De Raat
Bouwe in de hal... Det ken!
Vereiniginge, stichtinge en groepe oët Grubbevors die zich inzette veur de Grubbevorster kultuur in de breidste zin des woords, zien van herte welkom um te kômme bouwe in De Raat.
Wat te doon asse gebroëk wils make van De Raat?
Alleriërs môt geej ôg aanmelden en det ken beej bestuurslid Piet Seegers (mail pietseegers1 [at] home.nl of GSM: 06-42896705.
De kriegs dan un aanmeldingsformulier, un gebroëkerseuvereinkomst en veurwaarde toegesteurd met daorin ok de koste veur ut gebroëk. Nao invulling, onderteikening en ‘t truuksteure, kriegse van de beheerders ein of miër druppel(s) Daomeij kriegse toegang tot De Raat. In De Raat kunne gebroëkers enne kas met slot kriëge um eur spulle (materiale en gereidschap) in te doon.
Veurwaarde en beheerskemmissie
De Raat haet dreej beheerders um ’t werk in de hal in gooije bane te leije. Theo Bos, Peter Simons en Hans van Dongen hebbe de taak op zich genaome um de gebroëkers te begeleide en te zörge det alles in de Raat soepel verlöp.
Same zörge weej d’r veur det De Raat ‘t kreatieve en technische ontmoetingspunt wuurt vûr kultureel Grubbevors.
Bestuur Bouwhal de Raat
Piet Seegers, Uno Franssen en Tijs Meewis
