gekke maondaagsvereiniging

DE PLAGGENHOUWERS

  • Prins Timo I (Verhaagh) - adjudante: Stijn Ruys & Jacco van Deursen
  • Jeugdprinses Janne I (Seroo) - adjudante: Luuk Dings & Gwen Luijpers
  • Kiengerprins & -prinses Joris (Bongartz) & Juul (Obers) - adjudante: Yara Smits & Mille van Rengs
  • Boérebroedspaar: Suus (Olckers) & Mark (Gerits)
  • Aldere prins Bert I (Faessen) - adjudante: Mario van Heijster & Jos Clevers

Bert Faessen is zôndig oétgeroope tot de nieje Aldereprins vân ôs Plaggeriék. Prins Bert I zal de kômmende waeke veurop gaon, vur alle “aldere” vân Grubbevors. Zien Adjudante zien Jos Clevers en Mario van Heijster. De aldere die dao ware hebbe, tiédes enne gezellige middig, met vuül meziek, humor en plezeer, de nieje Prins hertelik ôntvange. Ge kunt de nieje Prins feliciteere op zien resepsie, op vastenaovensdinsdig 25 fibberwarie um 14.11 oor Beej Toën/De Vonkel.

Aafgelaupe zaoterdig is op ut verlovingsbal ut nieje broédspaar geprizzenteerd. Suus en Mark zulle zich op Gekke Maondaag in de “ônech” laote verbinde. De orgenizasie vân de boérebroelof is in hand vân: de ‘Gipsy’ Boérebroélof. Ze hebbe d’r vur gezörgd dât alle aanwezige enne geweldig leuke aovend hebbe gehad. Weej haope dât op 10 fibberwarie um 10.00 oor vuül Plaggenhouwers getuúge zulle zien vân de plechtighede op ut ald gemeintehoés. Aansloétend is eur resepsie Beej Toën/De Vonkel.

Naodât Zaoterdig de nieje Prins bekend gewaore is, waas ut aafgelaupe zôndig de beurt aan de jeugd. Op en good bezôch Jeugdprinsenbal is Janne Seroo oétgeroope tot  Jeugdprinses Janne I. Eur Adjudante zien Luuk Dings en Gwen Luijpers. Ge kunt eur proficiat winse op eur resepsie, zaoterdig 25 jannewarie a.s. beej kefeej “’t Stammineke”.

Zôndig zien Joris Bongartz en Juul Obers oétgeroope tot  Kienger prinsen paar 2020. Adudante zien; Mille van Rengs en Yara Smits. Dit jaor kômt ut kiengerprinsepaar vân de De Kameleon. Ge kunt eur proficiat winse op de kienger prinsepaar-resepsie, Zôndig 23 fibberwarie a.s. 15.11 oor in kefeej “’t Stammineke”.

Aafgelaupe zaoterdig is tiédes enne geweldig gezellige Prinsenbal Timo Verhaagh oétgeroope tot Prins Timo I vân ôs Plaggeriék. Stijn Ruys en Jacco van Deursen zulle naeve um staon âs zien Adjudante. Zôndig 26 jannewaire kunt ge eur proficiat winse op eur resepsie, die gehalde wördt beej Residensie Beej Toën aanvang 13.11 oor. Op  Dit e-mailadres wordt beveiligd tegen spambots. JavaScript dient ingeschakeld te zijn om het te bekijken. kunt ge de prins filiciteren        

Op 18 en 19 jannewarie is ut tiéd vur ut Verlovingsbal en de Aldere Middig. Van de Boerebroelof weite we det ôzze Boer verleef is gewaore op en moei megje van de gipsy kant. Zeej trekt met eure caravan van plek nao plek. Geit deze Gipsy Boerebroelof wal wat waere??? Pestoer haet d'r veur gezörgd det de Leefde won van ut verstand en zeej zulle zich dan ok verlove op 18 jannewarie in 't Stammineke. Meziek deze aovend zal verzörgd waere door Net Oet Bèd en de Party Brothers

Daags d'r nao gaon we verder met de Aldere Middig. Wae wuurd ôzze nieje Aldere Prins? Dees vraog zal beantwoord waere naodet idderein iers genaote haet van ôzze Aldere zitting. Optraejes van ôs dansgardes en winnende leejdes. Ok zulle Dora & Grada, Conny Bruijnaers, de Gekke Jetjes en Julia Beurskens op de buhne verschiene.

We gaon wir beginne! En wal op 11 jannewarie met ôs Prinsenbal. Op deze aovend zulle we aafscheid neme van ôzze Ald-Vors Marcel. Ziet geej d’r beej um Marcel te bedanke vur al ziene inzet? Ok zal Prins Ed II deze aovend ziene scepter inlevere, welke direct doorgeit nao ôzze nieje hoëgheid. As dae einmaol op de buhne steit geit ut daak d’r aaf met Appelemoos en netuurlik al ôs winnende leedjes.

Daags d’r nao gaon we verder met ut aaftraeje van Jeugdprins Bram I en ut oétkomme van ut nieje Kiengerkwartet en Jeugdtrio. Wae zal d’r dit jaor veurop gaon laupe beej al ôs jeugd? Ok dit belaofd wir ein groët fiës te waere. Komt geej ok?

Wae wuurd ozze nieje Aldere Prins?? Die hints op de raojfoto zien wal huul duudelik.... Raoje kin nou heej.